Litteratursymposiet 2012 -del 2

Torsdag 11. Oktober

"Fanga i ein Frode Grytten- roman", Frode Grytten møter Asbjørn Lauvstad.

På heimesida til litteratursymposiet står det:

"I Frode Gryttens Saganatt flytter Arvid Lunde til Odda ein gong tidlig på 1980-talet. Han blir lærar på gymnaset og blir sjef for kaffimaskina. Han ser ut som om han ønskjer å bli slukt av staden, som om han vil gå i eitt med røyken, regnet og skodda. Ein dag tar tidsånda plass i den tynne kroppen hans, og det blir kjent at Arvid Lunde har blitt millionær på aksjehandel.

Dette syns Asbjørn Lauvstad  liknar til forveksling på si eiga historie, mannen som flytta til Odda tidlig på åttitalet, jobba på gymnaset, blei millionær og mista alt i det store børskrakket. Historia om Asbjørn Lauvstad er ei komprimert historie om jappetida i Norge. Er han også modell for Arvid Lunde?"

 "Månen snur den svarte sida til", ein mini-cabaret med Marit Tusvik og Hege Rimestad.

Dette var veldig fint og sjarmerende.

Fredag 12. Oktober
Bikubegang med Frode Grytten er obligatorisk under symposiet. Det superpopulære "lågterskeltilbodet".
På heimesida til symposiet så er bikubegang beskrevet som "ei vandring i både det litterære og det konkrete Odda, med opplesingar og folkesnakk og historiske kuriosa. Byvandringa startar utanfor Murboligen, bustadblokka der alle hovudpersonane i romanen Bikubesong bur."

Eg fikk berre med meg litt av bikubegang denne gangen, for eg skulle vidare til sentralbadet.

"Meir enn 1000 ord, ordet etter 22. juli", ein samtale mellom Cathrine Grøndahl, Kjartan Fløgstad og Pål Norheim. Dette blei avslutta med at Frode Grytten las "Eit dikt for dei unge", som blei framført under Nasjonal minnesmarkering for 22. juli i år.